ⓘ ဂျက်ဖရီအာချား

                                     

ⓘ ဂျက်ဖရီအာချား

ဝယ်လင်တန်အထက်တန်းကျောင်း၊ ဘရာဆင်နော့စ်ကောလိပ် နှင့် အောက်ဖို့တက္ကသိုလ်တို့တွင် ပညာသင်ကြားခဲ့သည်။ စာရေးဆရာဖြစ်မလာမီ နိုင်ငံတကာ အားကစားသမားတစ်ဦး ဖြစ်သည်။ ၁၉၆၃ − ၁၉၆၆ ခုနှစ်များတွင် အင်္ဂလန်နိုင်ငံကို ကိုယ်စားပြု၍ မီတာ ၁၀၀ အပြေးပြိုင်ပွဲ၌ ဝင်ရောက်ယှဉ်ပြိုင်ခဲ့သည်။

                                     

1. တာဝန်များ

၁၉၆၆ ခုနှစ်တွင် ဂရိတ်တားလန်ဒန်ကောင်စီ တွင် အသက်အငယ်ဆုံး အမှုဆောင်လူကြီး ဖြစ်လာခဲ့သည်။ ၁၉၆၉ မှ ၁၉၇၃ အထိ အင်္ဂလန်နိုင်ငံ အောက်လွှတ်တော်တွင် အသက်အငယ်ဆုံး ပြည်သူ့လွှတ်တော်ကိုယ်စားလှယ်အဖြစ် သုံးနှစ်ကြာ တာဝန်ထမ်းဆောင်ခဲ့သည်။

                                     

2. စာရေးဆရာ ဖြစ်လာပုံ

၁၉၇၃ ခုနှစ်တွင် ကနေဒီယံကုမ္ပဏီ၌ ဒေါ်လာတစ်သန်း ရင်းနှီးမြှုပ်နှံရန် စီးပွားရေးသမား အပေါင်းအသင်းများက ဂျက်ဖရီအာချားကို တိုက်တွန်းကြသည်။ ထို့ကြောင့် သူသည် ရှိစုမဲ့စု ဒေါ်လာတစ်သန်းကို အစုရှယ်ယာပါဝင်ကာ ရင်းနှီးမြှုပ်နှံလိုက်သည်။ နောက်တစ်နှစ်ခန့်ကြာသောအခါ စကော့တကန်ယာ့ဒ် စုံထောက်အဖွဲ့ကြီးမှ တာဝန်ရှိပုဂ္ဂိုလ်များ သူ့ထံသို့ရောက်လာကာ" လူကြီးမင်း မြှပ်နှံထားတဲ့ အစုရှယ်ယာတွေ တစ်ပြားမှ မရှိတော့ဘူး၊ အားလုံး အသုံးမကျတဲ့ စက္ကူစုတ်တွေ ဖြစ်ကုန်ပြီ″ ဟု ပြောသည်။ ဤသို့ဖြင့် ဂျက်ဖရီအာချာသည် သူဌေးပေါက်စ ဘဝမှ ဆင်းရဲသားဘဝသို့ နေ့ချင်းညချင်း ရောက်ခဲ့ရသည်။ ထိုအကျိုးဆက်ကြောင့် နောက်နှစ်တွင် ပြည်သူ့လွှတ်တော်ကိုယ်စားလှယ်အဖြစ်မှ ရပ်နားလိုက်ရသည်။

အလိမ်ခံလိုက်ရသည်ကို အကြောင်းပြု၍ Not A Penny More, Not A Penny Less အမည်ဖြင့် ဝတ္ထုတစ်ပုဒ်ရေးသည်။ ယင်းဝတ္ထုကို အင်္ဂလန်နိုင်ငံ၊ ဂျိုနေသန်ကိပ်စာအုပ်တိုက်မှ ထုတ်ဝေရာ ယနေ့အထိ ရောင်းတိုင်းစွံနေဆဲ ဖြစ်သည်။ ထိုအချိန်မှ၍ ဂျက်ဖရီအာချားသည် စာရေးဆရာ ဖြစ်လာခဲ့သည်။