ⓘ သွားဘက်ဆိုင်ရာဆေးတက္ကသိုလ် (ရန်ကုန်)

                                     

ⓘ သွားဘက်ဆိုင်ရာဆေးတက္ကသိုလ် (ရန်ကုန်)

သွားဘက်‌ဆိုင်ရာဆေးတက္ကသိုလ် သည် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်တွင် တည်ရှိပြီး မြန်မာနိုင်ငံရှိ သွားဖက်ဆိုင်ရာ ဆေးတက္ကသိုလ် နှစ်ခုအနက် တစ်ခုအပါအဝင်ဖြစ်သည်။ ယခင်က နှစ်စဉ် ကျောင်းသား ကျောင်းသူ စုစုပေါင်း ၃၀၀ ခန့် လက်ခံသင်ကြားပေးလျက်ရှိသော်လည်း ယမန်နှစ်များအတွင်း ကျောင်းသား ကျောင်းသူ ၁၀၀ ခန့်သာခေါ်ယူခဲ့သည်။

                                     

1. သမိုင်းကြောင်း

သွားဘက်‌ဆိုင်ရာဆေးတက္ကသိုလ်ရန်ကုန်ကို သွားဖက်ဆိုင်ရာဆေးပညာကျောင်းအနေဖြင့် ရန်ကုန်တက္ကသိုလ် ဆေးပညာဌာန လက်အောက်ခံအဖြစ် စတင်ခဲ့သည်။ ၁၉၆၄ တက္ကသိုလ်များ အက်ဥပဒေအရ သွားဘက်‌ဆိုင်ရာဆေးကောလိပ် အဖြစ် ၁၉၆၄ ခုနှစ်တွင် ဆေးတက္ကသိုလ်၁ ရန်ကုန် အနီးတွင် ဖွင့်လှစ်ခဲ့ပြီး သွားဖက်ဆိုင်ရာဆေးပညာဘွဲ့ Bachelor of Dental Surgery - BDSကို ပေးအပ်ခဲ့သည်။ ၁၉၇၄ ခုနှစ်တွင် သွားဘက်‌ဆိုင်ရာဆေးတက္ကသိုလ် အဖြစ်ပြောင်းလဲ ဖွင့်လှစ်ခဲ့ကာ သွားဘက်‌ဆိုင်ရာဆေးတက္ကသိုလ်မန္တလေး မဖွင့်လှစ်မီ ၁၉၉၈ ခုနှစ်အထိ မြန်မာနိုင်ငံ၏ တစ်ခုတည်းသော သွားဘက်‌ဆိုင်ရာဆေးတက္ကသိုလ်အဖြစ် တည်ရှိခဲ့သည်။ သွားဘက်ဆိုင်ရာဆေးပညာကောလိပ်ကို ၁၉၉၇ ခုနှစ်မှစ၍ ရန်ကုန်၊ သင်္ဃန်းကျွန်းမြို့နယ်၊ သံသုမာလမ်းတွင် ကျောင်းဝင်းအသစ်နှင့် ပြောင်းရွှေ့ခဲ့ရာ အဆောက်အဦအသစ်များ၊ ဆေးပညာရပ်အသစ်များ၊ ကျွမ်းကျင်သောသွားဆရာဝန်အသစ်များဖြင့် ၂၀၀၃ ခုနှစ်တွင် ပြည့်စုံသောတက္ကသိုလ်တစ်ခု ဖြစ်လာခဲ့သည်။

၃ ထပ်အဆောက်အအုံသစ်နှင့် ကုတင် ၅၀ ဆံ့ မေးရိုးနှင့် ခံတွင်းခွဲစိတ်ကုသသင်ကြားရေးဆေးရုံကို ၂၀၀၅ ခုနှစ်၊ နိုဝင်ဘာ ၂၈ ရက်တွင် ဖွင့်လှစ်ခဲ့သည်။ ဘွဲ့ကြိုသင်တန်းများသင်ကြားခြင်းသာမက အထွေထွေ သွားဘက်ဆိုင်ရာဒီပလိုမာ ကဲ့သို့သော ဘွဲ့လွန်သင်တန်းများလည်း သင်ကြားပို့ချလျက်ရှိသည်။ ယခင်ကျန်းမာရေးဝန်ကြီးဌာန၏ခွင့်ပြုချက်ဖြင့် ၂၀၀၂ ခုနှစ်မှစ၍ ပါရဂူဘွဲ့များကိုသင်ကြားပို့ချပေးနိုင်ခဲ့သည်။ ထို့အပြင် သွားဘက်ဆိုင်ရာဆေးပညာ၏ ဘွဲ့လွန်ဒီပလိုမာသင်တန်းကို ၂၀၀၀-၂၀၁၂ ပညာသင်နှစ်တွင် ကျန်းမာရေးဝန်ကြီးဌာန၏ အတည်ပြုမှုဖြင့် စတင်သင်ကြားပေးခဲ့သည်။

                                     

2. ပေးအပ်သောဘွဲ့များ

သွားဘက်‌ဆိုင်ရာဆေးတက္ကသိုလ်ရန်ကုန် မှ ပေးအပ်သော ဘွဲ့များမှာ သွားဖက်ဆိုင်ရာဆေးပညာဘွဲ့ BDS၊ မဟာဘွဲ့ MDSc နှင့် ပါရဂူဘွဲ့ DrDScများဖြစ်ကြပြီး ဒီပလိုမာဘွဲ့များအနေဖြင့် သွားဖက်ဆိုင်ရာဆေးပညာဒီပလိုမာ DipDSc နှင့် သွားဖက်ဆိုင်ရာနည်းပညာဒီပလိုမာ DDT တို့ဖြစ်သည်။

                                     

3. သင်ကြားရသောဘာသာရပ်များ

ပထမနှစ် B.D.S

  • ဓာတုဗေဒ
  • သင်္ချာ
  • အင်္ဂလိပ်စာ
  • မြန်မာစာ
  • သတ္တဗေဒ
  • ရုက္ခဗေဒ
  • ရူပဗေဒ

ဒုတိယနှစ် B.D.S

  • ဇီဝဓာတုဗေဒ
  • ခံတွင်းဇီဗဒေဒသိပ္ပံပညာ
  • ဇီဝကမ္မဗေဒ
  • ခန္ဓာဗေဒ

တတိယနှစ် B.D.S

  • သွားတုဆေးပညာ
  • ရောဂါဗေဒ
  • ဆေးဝါးဗေဒ
  • အဏုဇီဝဗေဒ
  • သွားရောဂါကုပညာ အငယ်တန်း

စတုတ္ထနှစ် B.D.S

  • ကလေးသွားကျန်းမာရေးပညာ
  • သွားရောဂါကုပညာ
  • အထွေထွေဆေးပညာ
  • အထွေထွေခွဲစိတ်ပညာ
  • သွားတုဆေးပညာ
  • ခံတွင်းဆေးပညာနှင့် ခံတွင်းခွဲစိတ်ပညာ
  • သွားဖုံးရောဂါကုပညာ
  • သွားညှိကုသပညာ

နောက်ဆုံးနှစ် B.D.S

  • သွားတုဆေးပညာ
  • သွားညှိကုသပညာ
  • သွားနှင့်ခံတွင်းပညာ
  • ကာကွယ်ရေးနှင့်လူထုသွားကျန်းမာရေးပညာ
  • သွားရောဂါကုပညာ
  • သွားဖုံးရောဂါကုပညာ
  • ကလေးသွားကျန်းမာရေးပညာ
  • မေးရိုးနှင့်ခံတွင်းခွဲစိတ်ကုပညာ