ⓘ ချမ်းမြေ့မောင်ချို

                                     

ⓘ ချမ်းမြေ့မောင်ချို

ချမ်းမြေ့မောင်ချို သည် မြန်မာအမျိုးသမီး အဆိုတော်တစ်ဦး ဖြစ်သည်။ Myanmar Idol ၏ တတိယရာသီတွင် ဒုတိယရခဲ့ပြီးနောက် ထင်ရှားကျော်ကြားလာခဲ့သည်။

                                     

1. ငယ်ဘဝနှင့် ပညာရေး

ချမ်းမြေ့မောင်ချိုကို ၁၉၉၉ စက်တင်ဘာ ၂၀ တွင် ရန်ကုန်မြို့၌ မွေးဖွားခဲ့သည်။ သူမသည် သင်္ဘောသားမောင်မောင်ချိုနှင့် ၁၉၉၀ ဆယ်စုနှစ်တွင် ကျော်ကြားခဲ့သော အဆိုတော် အိအိတို့၏ အငယ်ဆုံးသမီးဖြစ်၍ အစ်ကိုဖြစ်သူ သူရမောင်ချိုမှာ သရုပ်ဆောင်တစ်ဦး ဖြစ်သည်။ ပညာရေးတက္ကသိုလ် လေ့ကျင့်ရေးကျောင်း မှအထက်တန်းပညာ ပြီးစီးခဲ့ပြီး ဒဂုံတက္ကသိုလ်တွင် ဥပဒေဘာသာရပ်အထူးပြုဖြင့် တက်ရောက်သင်ကြားလျက်ရှိသည်။

                                     

2. အလုပ်အကိုင်

အလုပ်အကိုင်အစ

မောင်ချိုသည် ၁၀ နှစ်သမီးအရွယ်တွင် သီချင်းများ စတင်သီဆိုခဲ့၏ ။ ပြန်ဆိုသီချင်းများကို သူမ၏ ကိုယ်ပိုင်စာသားများဖြည့်စွက်၍ ထည့်သွင်းသီဆိုခဲ့သည်။ ကိုယ်ပိုင်ဗီဒီယိုအတိုများကို ဖန်တီးခဲ့ပြီး ယခင်အဆိုတော်များ၏အချို့သီချင်းများပြန်ဆိုကာ လူမှုကွန်ယက်တွင် ဖြန့်ချိခဲ့သည်။ စင်္ကာပူနိုင်ငံသို့ ၂၀၁၅ ခုနှစ်တွင် သွားရောက်လည်ပတ်စဉ်က လမ်းများပေါ်တွင် သီချင်းဆိုခြင်း အတွေ့အကြုံများ ရှိခဲ့သည်။ ကျောင်းပွဲများ၌ ပါဝင်ခဲ့ပြီး သူမ၏ဆရာသမားများ၊ သူငယ်ချင်းများအတွက်လည်း သီဆိုပေးမှုများရှိခဲ့သည်။

အသက် ၁၈ နှစ်အရွယ် ၂၀၁၇ ခုနှစ်တွင် မိခင်နှင့်အတူတွဲဖက်၍ ပထမဆုံးအကြိမ်အဖြစ် စင်မြင့်ထက်တွင် စတင်သီဆိုခဲ့သည်။ ထို့နောက် သူမ၏ ပထမဆုံးစိန်ခေါ်မှုဖြစ်သော Myanmar Idol တတိယရာသီပြိုင်ပွဲတွင် ဝင်ရောက်ယှဉ်ပြိုင်ခဲ့သည်။

၂၀၁၉- လက်ရှိ: တစ်ကိုယ်တော် လှုပ်ရှားမှုများ

၂၀၁၉ ခုနှစ်တွင် သူမ၏ ပထမဆုံး တစ်ကိုယ်တော်သီချင်းတစ်ပုဒ် ဖြစ်သည့် အိပ်မက် သီချင်းကို ဖြန့်ချိခဲ့ပြီး JOOX နားထောင်သူများအကြား လူကြိုက်အများဆုံး ဖြစ်လာခဲ့သည်။

သူမ၏ တစ်ကိုယ်တော် အယ်လ်ဘမ် Eleven ကို ၂၀၁၉ ခုနှစ် ဒီဇင်ဘာ ၂၂ ရက်နေ့တွင် ဖြန့်ချိခဲ့သည်။

                                     

3. တေးသီချင်းနှင့်အခွေများ

တစ်ကိုယ်တော်သီချင်းဖြန့်ချိမှု

  • အိပ်မက် ၂၀၁၉ တေးရေး - ‌ဝေကြီး
  • Falling ၂၀၂၀ တေးရေး - Daniel Saw

သီချင်းဟောင်း ပြန်လည်သီဆိုမှု

  • ‌မောင်ဘဦး ၂၀၂၀
  • စွယ်တော်နှလုံးသား ၂၀၂၀၊ မိခင်ဖြစ်သူ တေးသံရှင် အိအိနှင့်အတူသီဆိုသည်။
  • မွန်တို့ဌာ‌နေ ၂၀၂၀
                                     

3.1. တေးသီချင်းနှင့်အခွေများ တစ်ကိုယ်တော်အယ်လ်ဘမ်များ

Eleven ဟု နာမည်ပေးထားပြီး တေးသီချင်း ၁၁ပုဒ်ပါဝင်သော သူမ၏ ပထမဆုံးတေးစီးရီးအခွေအား ၂၀၁၉ ခုနှစ် ဒီဇင်ဘာလ ၂၂ ရက်နေ့တွင် စတင်ဖြန့်ချီခဲ့ပြီး သီချင်းအသစ် ၇ ပုဒ်ပါဝင်သည်။ တေးစီးရီးတွင် ပြိုင်ပွဲတုန်းက သူမကိုပရိသတ်များမှတ်မိစေခဲ့သည့် သီချင်းများနှင့် သူမ၏အမေအဆိုတော် အိအိ ၏ သီချင်းများပါဝင်သည်။

တေးစီးတွင် ပါဝင်သောသီချင်းများ-

  • သူ့ကိုအချစ်ဆုံးပဲ
  • Loser
  • သင့်အတွက်မနက်ဖြန်
  • ချစ်သောမောမြေ
  • မြတ်မြတ်နိုးနိုး
  • ရွာသာရွာပါမိုး
  • မောင်နားလည်ပေးပါ
  • ရေတစ်လှည့်မီးတစ်လှည့်
  • King
  • ထွက်သွားတော့
  • ဒဏ္ဍာရီ
                                     

3.2. တေးသီချင်းနှင့်အခွေများ တစ်ကိုယ်တော်သီချင်းဖြန့်ချိမှု

  • အိပ်မက် ၂၀၁၉ တေးရေး - ‌ဝေကြီး
  • Falling ၂၀၂၀ တေးရေး - Daniel Saw
                                     

3.3. တေးသီချင်းနှင့်အခွေများ သီချင်းဟောင်း ပြန်လည်သီဆိုမှု

  • ‌မောင်ဘဦး ၂၀၂၀
  • စွယ်တော်နှလုံးသား ၂၀၂၀၊ မိခင်ဖြစ်သူ တေးသံရှင် အိအိနှင့်အတူသီဆိုသည်။
  • မွန်တို့ဌာ‌နေ ၂၀၂၀